E përditshmja britanike “The Times” i ka kushtuar një artikull Shqipërisë, ku thekson se vendi ynë është kthyer në një destinacion mjaft të preferuar nga turistët e huaj.
Sipas britanikes, Kep Merli, i fshehur në kodrat e gjelbra mbi bregdetin Jon të Shqipërisë është nëj vend ku është e lëhtë të humbasësh. Pasi ta keni gjetur, në fund të një rruge me pluhur në majë të shkëmbit, pakapshmëria vazhdon në formën e një tabele që lexon, “Hyrja vetëm me rezervim!” Golf buggies transportojnë mysafirët lart e poshtë në një rrugë të pjerrët që të çon në një liman me rërë dhe 24 vila me pishinë pafundësie janë strehuar përgjatë rrugëve me pemë rezidencat janë gjithashtu në shitje dhe dy hotele janë në zhvillim e sipër.
Ndërsa Britania e Madhe ka Soho Farmhouse dhe Gleneagles, Shqipëria ka Kep Merli. Resorti, i cili u hap në vitin 2021 midis qyteteve bregdetare të Sarandës dhe Ksamilit, është një vend i njohur. Këngëtarja britaniko-shqiptare Dua Lipa qëndron këtu dhe shpeshherë do të dëgjoni zhurmën e helikopterve. Influencuesit dynden në plazhin privat dhe rërën e bardhë ku janë vendosur çadra.
Investitorët po hyjnë gjithashtu në këtë vend: Ivanka Trump dhe Jared Kushner, të cilët kanë kaluar verën me jaht midis plazheve të Shqipërisë, përflitet se po ndërtojnë një hotel në Sazan, ishullin më të madh të Shqipërisë. Disa marka ndërkombëtare Melia, Radisson, Marriott dhe Hyatt kanë hapur gjithashtu dyqane dhe një aeroport prej 88 milionë funtesh që do të hapet në Vlorë, një qytet në bregdet, do të vërë në qendër të vëmendjes Shqipërinë këtë verë.
Unë dhe miku vizituam Shqipërinë gjatë një fundjave në shtator. Në Dhërmi, ne u ndalëm për të admiruar qytetin e vjetër me çati terrakote dhe plazhet e mrekullueshme.
Vazhduam në jug nga Gjirokastra për në Ksamil, që kufizohet me Greqinë. Udhëtimi prej 37 miljesh ishte një kënaqësi, përgjatë rrugëve të lëmuara në majë të shkëmbinjve, pranë maleve dhe liqeneve. Ndalesa jonë e radhës ishte Saranda. Ka të bëjë më shumë me jetën e natës sesa me luksin në këtë shtrirje jugperëndimore të bregdetit, por klubet e modës të plazhit janë kudo./ The Times
