Është shpallur në kërkim një 31-vjeçar, i cili rezulton i proceduar më parë për kanosje. I riu, emri i të cilit nuk bëhet i ditur, akuzohet se ka përndjekur për disa muaj me rradhë ish-të dashurën e tij, një grua 10 vite më të madhe.
Policia e Tiranës shpalli në kërkim 31-vjeçarin pas denoncimit në polici të 41-vjeçares, e cila akuzon shtetasin me iniciale M. P. se i ka krijuar shqetësime të vazhdueshme, gjendje ankthi, si dhe e ka dhunuar dhe kërcënuar me jetë pasi ajo vendosi t’i japë fund lidhjes.
Kallëzuesja ka pretenduar në polici se ata kishin jetuar në shtëpinë e saj për një kohë të gjatë dhe vendimi i saj për t’u ndarë dhe ndërruar bravën e derës të shtëpisë nuk është mirëpritur nga ish-i dashuri që ka shkuar çdo natë tek dera e apartamentit, e ka dhunuar në rrugë, si dhe e ka kërcënuar se nëse lidhej me dikë tjetër do ta vriste.
(XH.A/SHUPLAKA)
Discussion about this post