Deputetja e Partisë Socialiste Elisa Spiropali ka ironizuar në studion e Fax News me ish-kryeministrin Sali Berisha lidhur me informatorët e tij dixhitalë.
E pyetur nga gazetarja Armela Ferko lidhur me takimin që është mbajtur sot në Rodos mes Bushatit dhe Kotzias, Spiropali tha se nuk kishte informacione, ndryshe nga diplomati dixhital i Sali Berishës.
“Unë fatkeqësisht apo fatmirësisht nuk kam akses te diplomati dixhital që ka ish-kryeministri Sali Berisha. Ai dixhitali i Berishës i di të gjitha, ato që ndodhin në takim ato që ndodhin më pas. Në momentin që do kemi një marrëveshje ajo do bëhet publike.
Unë nuk kam asnjë informacion, do na duhet që të presim që të flasë vetë ministri i jashtëm, pasi negociata të tilla janë shumë të ndjeshme, dhe duhet të ruhen informacionet, njësoj siç po vepron dhe zoti Kotzias në palën tjetër”, tha Spiropali
Deputetja e PS-së tha më tej se ajo është çështja çame për ne, nuk është çështje çame për Greqinë, pasi ata e shohin si një cënim të territorit të tyre.
Deputetja foli po ashtu dhe lidhur me zërat se Shqipëria mund të kthehet në një vend pritës për 600 mijë refugjatë sirianë, ku tha se kjo nuk mund të ndodhë, dhe lajmet janë sajesa të opozitës.
(E.K/FAXWEB.AL)
Discussion about this post