E pyesin për takimin Nano-Rama dhe mungesën në festën e PS-së, si përgjigjet Ilir Meta

As që nuk e ka në vëmendje fare. Madje më keq. Për Ilir Metën takimi mes ish-kreut të PS-së Fatos Nano dhe pasuesit të tij Edi Rama nuk ka sjellë asgjë të rëndësishme.

Meta është pyetur nga gazetarët se si e komenton takimin Nano-Rama, por edhe pse nuk ka marrë pjesë në festën e 26-vjetorit të PS-së.

”Nuk kam asnjë koment për çështje, të cilat nuk sjellin diçka të re apo të rëndësishme në vemendjen time aq më tepër të qytetarëve të Shqipërisë.

Vëmendja ime dhe e shqiptarëve është drejtuar në zgjedhjet e 25 qershorit në mënyrë që të shkëputemi nga politika e vjetër, e imoralitetit! Takohemi pasnesër në sheshin ”Nënë Tereza” ora 19:00. LSI forcë e paparë, LRI forcë e paparë!”, është përgjigjur Meta. (V.G/SHUPLAKA)