E quajti “ministreshë”, si i përgjigjet Kumbaro Ndrenikës: Artistët nuk e kuptojnë

Ministrja Mirela Kumbaro nga qyteti i Korçës ka reagur në lidhje me shqetësimet e artistëve për shpërnguljen e Teatrit Kombëtar.

Një prej zërave më të rëndësishëm kundër saj ka qenë ai i të madhit Robert Ndrenika, i cili mes të tjerash e quajti ministren ”ministreshë”.  Kumbaro është shprehur para gazetarëve se do të flasë nga afër me Ndrenikën.

”Patjetër që do ti takoj artistët. Ne jemi duke ndërmarë një nismë ligjore që vjen si pasojë e kërkesave jo vetëm të artistëve por edhe të institucioneve kulturore, qendrore por edhe vendore siç është teatri i Korçës, për të krijuar mekanizma për organizimin e projekteve kulturore të cilat sot edhe për gjëra të vogla siç janë rekuizitat apo veshjet duhet të kalojnë në disa procedura burokratike të prokurimit, të cilat përpos të tjerash krijojnë edhe pengesë për krijimtarinë artistike.

Ligji aktual për artin dhe kulturën që është ai i vitit 2010 ka krijuar një mekanizëm lehtësimi për projektet kulturore që përjashton nga prokurimi nëpërmjet formulës së kolegjiumeve vetëm për Ministrinë e Kulturës.

Ne gjykojmë që ky mekanizem duhet të përhapet edhe tek institucione të tjera me qëllim decentralizimin dhe nxitjen e financuesve të tjerë për mbështetjen e aktiviteteve kulturore.

Projektligjin e kemi nxjerrë për konsultim publik, e kemi nxjerrë në faqen e Ministrisë së Kulturës, e kemi dërguar me email tek të gjithë aktorët dhe grupet e interesit.

Sot ka bashki që i djegin fondet per kulturen sepse nuk dinë si të procedojnë me këto labirinthe burokratike. I kemi ftuar të gjithë që të japin sugjerimet e tyre në lidhje me draftin që kemi propozuar dhe kjo është faza e konsultimit.

Dua të theksoj se përveç disave të cilët e kanë lexuar ende nuk kemi asnjë përgjigje zyrtare nga drejtuesit vendore apo subjekte të tjerë të interesuar.

Nga mediat jam njohur me disa organizime të artistëve por besoj se mbasi të takohemi do sqarohemi të gjithë. Kemi parashikuar javën që vjen një tryeze për këtë draft dhe nëse ka kërkesa për tryeza të tjera jemi te gatshem për ti diskutuar dhe shpjeguar draftin i cili nuk është lexuar dhe ka keqkuptime. Duhet ti takoj artistët pasi para se te kuptojme çfare kërkojnë, duhet të kuptojne ata çfarë ofron drafti.

Ne lidhje me ndertimin e Kulles tha : Po mbarojnë punimet në qendrën e artit e pagëzuar me emrin Turbina. Salla aktuale e teatrit do te vazhdoje te jete funksionale edhe per trupen e teatrit edhe per trupa te tjera.  Teatri Kombetar do vazhdoje te jete ne funksion deri diten qe do te na vije projekti por trupa e tij do zhvendoset ne nje mjedis shume komod dhe ne kete gje e kemi dakordesuar me heret me artistet.