Drejtori i Teatrit Kombëtar Hervin Çuli ka folur rreth reagimit të tij të ashpër dhe fyes ndaj aktorit të madh Mirush Kabashi të cilin pak ditë ma përë e quajti “mashtrues ordiner” në një postim në ‘Facebook’ në përgjigije të deklaratës së Kabashit për ndërhyrje dhe censurë.
Çuli ika thënë në emisionin “Kjo javë” në “News24”, se reagimi ishte emocional, por theksoi sërish se Mirush Kabashi ka gënjyer për censurën në shfaqje, e cila sipas tij nuk ndodh në Teatrin Kombëtar.
“Ai ishte një postim emocional, në një moment kur unë po ndiqja emisionin në “Neës24”. Nuk i heq asnjë presje asaj që kam thënë, një gënjeshtër e trashë duhet të demaskohet. Ai më akuzoi për censurë, dhe unë për këtë reagova. Unë kam një bord në Teatër, Zogajn, Përparim Kabon, Anila Godolen, janë këta që vendosin kalendarin, nuk jam unë. Me gënjeshtrën e ti nuk më ka fyer mua, por bordin e Teatrit Kombëtar. Ai shpif se unë kam kërkuar tekstin që të censuroj shfaqjen. Por shfaqja u dha, ku e kam censuruar unë? Gënjeshtra e zotërisë është e trashë dhe e hapur, dhe nuk ndjej asnjë ‘mea culpa’ nga zotëria përballë. Sa i takon virales, ka ndodhur edhe njëherë tjetër në FB ku ka patur një debat miqësor me Robert Ndrenikën, dhe bandat e “Facebookut” vihen në lëvizje. Është një virale e këtyre bandave të FB. Treçereku i njerëzve që shajnë kanë qenë civilë, me emra false”
(B.H/Faxweb)
