Pas dy refuzimeve të mëparshme nga ana e kreut të Vetëvendosjes Albin Kurti, më në fund do të ketë sot një takim mes tij dhe presidentit Hashim Thaçi.
Ka qenë Departamenti i Informacionit dhe Komunikimit me Publikun në Presidencë ai që ka konfirmuar takimin që pritet të mbahet rreth orës 15:00.
“Presidenti i Republikës së Kosovës, Hashim Thaçi, në orën 15:00 pret kryetarin e Lëvizjes Vetëvendosje, Albin Kurtin, për t’u konsultuar për caktimin e mandatarit për formimin e Qeverisë së Republikës së Kosovës”, thuhet në njoftimin e dërguar për mediet.
Kosova nuk ka mundur që të krijojë ende një qeveri pas zgjedhjeve të 6 Tetorit, për shkak të mosmarrëveshjeve mes LDK-së dhe VV-së, për postin e presidencës.
Vetë Thaçi është shprehur optimist për takimin me Kurtin, ndërsa tha që pret të ketë sa më parë një marrëveshje për qeverinë e re.
“E mirëpres paktin që pas ftesës së tretë, zotëri Kurti i është përgjigjur ftesës për datën 6 janar në orën 15.00. Do ta pres në zyrën time, nuk mund të sillemi as me hatër. Mirë se vjen e mirëpres”, ka thënë presidenti Thaçi më herët.
(E.K/Faxweb.al)
Discussion about this post