Ministri i shëndetësisë i Tunizisë ka dhënë dorëheqjen, pas vdekjes së 11 foshnjave të porsalindura brenda 24 orëve në një spital në Tunis, kryeqytetin e këtij shteti.
Abdel-Raouf El-Sherif dha dorëheqjen të shtunën e kaluar.
Ministria e shëndetësisë dhe prokurorët e shtetit kanë hapur hetimet për vdekjet misterioze të cilat tronditën mbarë opinionin botëror.
Shoqata e pediatrisë e Tunizisë deklaroi përmes një postimi në rrjetet sociale se vdekjet e foshnjave mund të jenë shkaktuar nga një produkt intravenoz.
Shoqata vuri në dukje gjithashtu “kushtet e pasigurta në të cilat punojnë stafet shëndetësore”.
Tunizia dikur kishte një reputacionin e të paturit të një nga sistemet më të mira shëndetësore publike në Afrikën e Veriut, shkruajnë mediat e huaja.
Sistemi shëndetësor i Tunizisë, megjithatë, dhe shërbimet e tjera shtetërore kanë qenë në rënie që nga përmbysja e presidentit Zine El-Abidine Ben Ali në vitin 2011.
(F.GJ.FAXWEB.AL)
