Një ngjarje e rëndë është regjistruaR në vendin e njohur si grykëderdhja e Lumit Drin në Lezhë, ku një 60-vjeçar ka rënë në kontakt me rrymën elektrike dhe për pasojë ka humbur edhe jetën.
Mësohet se viktima është Bujar Caca nga Kruja dhe në momentin kur ka ndodhur ngjarja ka qenë duke peshkuar me një kallam, teksa ka prekur në një përcjellës energjie duke i shkaktuar vdekjen e menjëhershme.
Viktima është dërguar në morgun e spitalit të Lezhës. Ndërkohë policia po punon për zbardhjen e shkaqeve dhe rrethanave të ngjarjes së rëndë.
(F.GJ/FAXWEB.AL)
