23-vjeçarja, influencuesja e njohur braziliane në Instagram, Nubia Cristina Braga, u gjet e vdekur në shtëpinë e saj në lagjen Santa Maria në Aracaju, shteti Sergipe, Brazil më 14 tetor.
Ajo u vra nga dy sulmues të cilët më pas u larguan me një motoçikletë. Nubia Cristina Braga kishte mbi 60,000 ndjekës në Instagram.
Sipas raportimeve, ndikuesja kishte vizituar një sallon flokësh pak para se të vritej.
New York Post raportoi se menjëherë pasi ajo kishte mbërritur, dy burra hynë në pronën e Braga nga dera e hapur e hyrjes dhe qëlluan yllin e mediave sociale. Ata hapën zjarr ndaj saj përpara se të largoheshin nga vendi i krimit.
Në kohën kur autoritetet mbërritën rreth orës 21:00, Braga u gjet e vdekur në dyshemenë e mbuluar nga gjaku.
Ende nuk dihen motivet dhe identiteti i vrasësve.
Influencer postonte rregullisht përmbajtje në lidhje me udhëtimet, bukurinë dhe modën dhe madje zotëronte dyqanin e saj të veshjeve.
