Një ngjarje e rëndë ka ndodhur sot në Dibër, ku një 16-vjeçar ka humbur jetën tragjikisht pasi ka rënë në kontakt me energjinë elektrike.
Mësohet se ngjarja e rëndë ka ndodhur rreth orës 15.40, pranë lumit Drini i Zi. I riu me inicialet L.Ç kishte qenë duke gjuajtur peshk me gjenerator, mirëpo fatkeqësisht në një moment ka rënë në konktat me energjinë elektrike. Gjë që i solli atij vdekjen.
“Rreth orës 15.40, jemi njoftuar nga urgjenca e spitalit të Peshkopisë se është sjellë nga familjarët pa shenja jete një shtetas i cili dyshohet se ka rënë në kontakt me energjinë elektrike.
Menjëherë ka shkuar grupi hetimor dhe shërbimet e policisë në ambjentet e spitalit dhe në vendin e ngjarjes, ku kanë konstatuar se shtetasi L.Ç, rreth 16 vjeç, banues në fshatin Vakuf, dyshohet se duke gjuajtur peshk me gjenerator në lumin Drin i Zi, dyshohet se ka rënë në kontakt me energjinë elektrike ku për pasojë shtetasi L.Ç ka gjetur vdekjen e menjëhershme.”, thuhet në njoftimin e policisë.
Ndërkohë, bardheblutë kanë nisur hetimet për të zbardhur rrethanat e ngjarjes.(D.D/Shuplaka)
Discussion about this post