E rëndë në Durrës/ Plagoset me thika 15-vjeçari, Policia arreston bashkëmoshatarin e tij

Një sherr mes dy 15-vjeçarëve ka ndodhur gjatë ditës së djeshme në Durrës, ku më pas njëri prej tyre ka mbetur i plagosur me thukë.

A.D është dërguar menjëherë në spital, ku ndodhet nën kujdesin e mjekëve, ndërkohë që policia ka vënë në pranga 15 vjeçarin tjetër me inicialet A.GJ.

Dyshohet se konflikti mes të rinjve ka nisur për shkaqe banale, por pasojat kanë qenë të rënda.

Njoftimi i Policisë:

Nga specialistët për hetimin e krimeve në Komisariatin e Policisë Durrës, arrestuan në flagrancë shtetasin: A.Gj.,15 vjeç, banues në Durrës, pasi për motive të dobëta ka goditur me mjet prerës (thikë), shtetasin A.D., 15 vjeç,  banues në Durrës, i cili ndodhet në spital nën kujdesin e mjekëve.

(E.K/Faxweb.al)