Një ngjarje e rëndë është shënuar sot në plazhin e Qeparoit në Himarë, ku një i moshuar është mbytur ndërsa lahej në det.
Policia bën me dije se 79 vjeçari me inicialet I.R, kishte hyrë për t’u larë në det mirëpo në një moment ka rrezikuar të mbytet. I moshuari ka kërkuar ndihmë dhe pushues të rastit kanë hyrë ta ndihmojnë, por ai nuk ka mundur dot të rezistojë.
DETAJET E POLICISË
Himarë/ Më datë 03.08.2017, në Sallën e informacionit të Komisariatit Himarë ka ardhur një telefonatë se në Plazhin e Qeparoit, Himarë, rreth orës 19:00, një shtetas ka qënë duke u larë në det dhe në një moment ka kërkuar ndihmë.
Pushues të rastit kanë hyrë ta ndihmojnë dhe e kanë gjetur në gjendje të rënduar.
Kanë njoftuar stafin mjekësor të Spitalit të Himarës, të cilët kanë shkuar menjëherë për ti dhënë ndihmën e parë mjekësore.
Pasi i është dhënë ndihma e parë është transportuar për një ndihmë më të specializuar në Spitalin e Sarandës, ku gjatë rrugës ka ndëruar jetë.
Nga verifikimi paraprak rezulton të jetë shtetasi I.R., 79 vjeç banues në Tiranë, dhe pushues në Qeparo, Himarë.
Shtetasi I.R., merrte mjekim për tensionin, pasi në banesën e tij i’u gjetën nga policia disa medikamente tensioni. (D.D/Shuplaka)
