Një ngjarje e rëndë është shënuar së fundmi në Lushnje, ku një shtetase ka tentuar të vrasë bashkëshortin e saj, në bashkëpunim me të birin.
Mësohet se ngjarja ka ndodhur gjatë ditës së djeshme në fshatin Gramsh të Lushnjes, ku një grua e identifikuar si Nafie Cani 53 vjeçe, ka rrahur dhe është përpjekur të mbysë kryefamiljarin me iniciale E. C. 57 vjeç, me ndihmën e të birit Artir Cani 27 vjeç.
Ndërkohë që ende nuk dihen motivet e kësaj ngjarje, policia ka arritur të parandalojë krimin në familje.
Detaje nga njoftimi i policisë:
Dhunohet fizikisht nga bashkëshortja dhe djali i tij, policia arreston në flagrancë nënë e bir. Specialistët për Hetimin e Krimeve në Komisaritin e Policisë Lushnje, arrestuan në flagrancë shtetasit:
1.Artur Cani, 27 vjeç, banues në fshatin Gramsh, Lushnje.
2.Nafie Cani, 53 vjeçe, banuese në fshatin Gramsh, Lushnje.
Arrestimi i tyre u bë pasi në banesë, në bashkëpunim me njëri tjetrin, kanë dhunuar fizikishit e më pas kanë tentuar ta mbysin shtetasin E.C, 57 vjeç, banues në Gramsh, Lushnje.
Materialet i kaluan Prokurorisë pranë Gjykatës së Shkallës së Parë Lushnje për veprën penale “Dhunë në familje” parashikuar nga Neni 130/a/1 i Kodit Penal.
(XH.A/SHUPLAKA)
Discussion about this post