E rëndë në Lushnje, një trup i dekompozuar gjendet pranë spitalit

Një ngjarje e rëndë është shënuar në Lushnjë, ku një trup i pajetë, madje i dekompozuar është gjetur pranë spitalit të qytetit.

Trupi është gjetur nga kalimtarë të rastit, të cilët kanë njoftuar policinë pasi kanë pikasur erën e rënde në disa ndërtesa që janë përgjatë aneksit sportiv fare pranë spitalit të Lushnjes.

Mësohet se viktima është i seksit mashkull, mirëpo nuk dihet ende se cili ka qenë identiteti i tij. Dyshohet se ai është rreth moshës 65-vjeç dhe se ka qenë një endacak.

Ndërkohë pritet ekspertiza mjeko-ligjore të pë zbuluar shkaqet e vdekjes dhe policia ka nisur hetimet për të zbardhur ngjarjen. (D.D/Shuplaka)