Vetëvaret në kushtet e depresionit një 72 vjeçar në Tepelenë. Ngjarja ka ndodhur pak pas mesditës në fshatin Qesarat gati 10 km në veri të Tepelenës.
Sipas burimeve nga Policia e Tepelenës, 72 vjeçari që ka ndërruar jetë quhet Kujtim Shehu dhe është gjetur i pajetë nga një bari i cili kulloste bagetinë anës lumit Vjosë. I moshuari kishte varur veten pranë një dege fiku me një litar dhe është gjetur pa shenja jete.
Sipas familjarëve Shehu është larguar nga banesa mëngjesin e sotëm herët dhe familja ishte vënë në kerkim te tij. Nuk dihen shkaqet që çuan në vetvarje por mendohet se ai e ka kryer këtë akt në kushtet e depresionit.
