Një ngjarje e rëndë ka ndodhur pak minuta më parë në rrugën “Faik Konica” në Tiranë, ku disa punëtorë kanë rënë nga skela dhe janë lënduar rëndë.
Fax News raporton se një person është nxjerrë i vdekur nga rrënojat, ndërkohë që një tjetër dyshohet se mund të jetë nën rrënoja. Dyshohet se mund të kenë rënë nga një kat i lartë, 5 ose 6 kate lartësi.
Kanë qenë banorët të cilët kanë lajmëruar policinë dhe ambulancën dhe bëhet e ditur se dy prej tyre janë në rrezik për jetën.
Fax News mëson se personat e plagosur janë me Genti Bardhi 44 vjeç, i cili është dërguar tek Politrauma, po ashtu edhe Euglidios Lika, 34 vjeç është dërguar tek Politrauma. Të dy këta persona kanë pësuar dëmtime të rënda në kokë. Punëtorët, kanë qenë duke punuar për fasadën e një pallati në kryeqytet.
Dyshohet se shkak i aksidentit ka qenë mungesa e sigurisë teknike, duke vënë edhe një herë në pah mungesën e sigurisë së punonjësve në ambientet e punës.
Informacioni paraprak
Rreth orës 15:00 në rrugën e “Elbasanit” nga një ndërtesë në rikonstruksion është shkëputur një pjesë e skelës metalike.
Si pasojë e shkëputjes së skelës janë dëmtuar 4 nga punëtorët të cilët ndodheshin duke punuar pranë këtij objekti, shtetasit G. B.,44 vjeç dhe E. L.,34 vjeç janë dërguar të cilët janë dërguar në spital për ndihmë mjeksore.
Dy puntorë të tjerë i ka zënë skela poshtë dhe në këto momente është nxjerrë turpi i pajetë njërit prej tyre.
Policia e Zjarrfiksja vijojnë punën për nxjerrjen e personit tjetër
Policia ka shoqëruar administratorin e punimeve për veprime të mëtejshme
Grupi hetimor ndodhet në vendngjarje ku po vijin punën për sqarimin e mëtejshëm të rrethanave të ngjarjes.
