Një denoncim I paprecedentë është publikuar nga ish-kryeministri Sali Berisha në rrjetet sociale, ku një pedagog nga Lushnja është dhunuar në ambientet e Komisariatit të këtij qyteti në kohën kur kishte shkuar të bënte një denoncim.
Sipas tij, ditën e shtunë kishte shkuar pranë Komisariatit të Lushnjes për të denoncuar bllokimin e rrugës në hyrje të banesës së tij.
“Pasi kam hyrë në ambientet e Komisariatit jam rrahur barbarisht, me grusht në kokë, dhe në pjesë të tjera të trupit dhe jam tërhequr zvarrë për 20 metra brenda ambienteve të Komisariatit. Punonjësi që më rrahu u identifikua si Bledar Levonja me pozicion polic krimesh”, shkruan qytetari në denoncimin e tij.
Statusi i plotë i Berishës:
Trajtim shtazarak qytetarit, pedagogut nga narkopolice brenda ne narkokomisaritin e Lushnjes!
Lexoni mesazhin dhe shikoni fotot e qytetarit dixhital!
I nderuar z.Berisha,
Jam nje qytetar nga Lushnja, pedagog ne Universitet. Diten e shtune Kam shkuar ne Komisariatin e Lushnjes per te bere kallzim pasi me ishte bllokuar rruga ne te cilen hyj ne Banesen time. Pasi kam hyre ne ambjentet e Komisariatit jam rrahur barbarisht, me grushta ne koke, dhe ne pjese te tjera te trupit dhe jam terhequr zvarre per 20 Metra Brenda ambjenteve te komisariatit. Punojsi qe me rrahu u identifikua Bledar Levonja me pozicion polic krimesh. Me pas me ngrene kallzim penal per mos bindje ndaj urdhrit te policise duke me mbajtur si person te shoqeruar per 10 ore. Z. Berisha ju lutem me ndihmoni ta coj drejtesine ne vend, si mund te rrihet barbarisht nje pedagog kur shkon ne komisariat per te kerkuar ndihme nga policia e shteti.
Jam i gatshem per cdo gje nga ana ime.
Ju falenderoj,
(F.GJ/FAXWEB.AL)
Discussion about this post