Një burrë dyshohet se është mbytur paraditen e sotme në Liqenin Artificial të Tiranës. Burime të policisë bëjnë me dije se viktima është identifikuar si Edmond Ramushi 50 vjeç, i cili dyshohet se është futur në ujërat e ftohta të liqenit për t’u vetëmbytur.
Bëhet me dije se 50-vjeçari ka lënë në vendin e ngjarjes dy sende personale të tij, një celular dhe xhupin që mbante veshur.
“U njoftuam nga një telefonatë se një person kishte hyrë në liqen. Janë njoftuar polumbarët për nxjerrjen e trupit të 50-vjeçarit.”, bëjnë me dije burime të policisë.
Policia ka shoqëruar në polici disa persona që thuhet se kanë parë mbytjen e qytetarit tek diga e Liqenit Artificial Tiranë.
Nga të dhënat e deritanishme mësohet se pak përpara aktit, ai kishte telefonuar një mikun e tij që i ka komunikuar se do të mbytej. Sipas “Syri.net”, viktima kishte aplikuar për kredi por nuk i ishte dhënë. Po punohet për zbardhjen e plotë të ngjarjes. (XH.A/SHUPLAKA)
Discussion about this post