Një ngjarje e rëndë ka ndodhur në Francë ku dy shqiptarë kanë mbetur të plagosur si pasojë e një sulmi me thikë që u është bërë.
Ngjarja ka ndodhur rreth orës 03:30 të mëngjesit të sotëm në qytetin francez universitar të Poitiers.
Ndërkohë dy persona për këtë ngjarje kanë përfunduar në paraburgim, shkruan lanouvellerepublique.fr
Thirrjet e të plagosurve zgjuan banorët përreth, të cilët edhe lajmëruan policinë.
“Kam dëgjuar zërin e njerëzve, fyerjet dhe britmat,” thotë një student.
“Dëgjova njerëz që po ziheshin”, tha qiramarrësi i një apartamenti që ndodhej menjëherë pranë skenës së luftës.
“Unë nuk e kuptoj se çfarë thanë ata, sepse kishin theks të fortë. Flisnin me zë të lartë. Kam dëgjuar një makinë apo një skuter që u largua. Më pas, një grua ulëriste emrin e një personi të plagosur”.
Dy burrat me origjinë shqiptare kanë përfunduar në spital në gjendje të rëndë shëndetësore për shkak të plagëve të marra nga thika. “Kishte shumë gjak”, tha një burim policor. (B.H/Shuplaka)
