Kanë rezultuar tragjike zgjedhjet në Indonezi, ku 270 komisionerë kanë humbur jetën për shkak të lodhjes gjatë numërimit të votave, ndërsa 1 878 persona të tjerë, pjesë e stafeve elektorale janë sëmurë.
BBC raporton se rreth shtatë milionë njerëz po ndihmonin të numërojnë dhe të monitorojnë votimin e 17 prillit.
Stafi punonte gjatë natës në ajër të nxehtë, çka ka bërë që shumë prej tyre të kenë pasoja fatale.
Zgjedhjet kombëtare dhe rajonale u zhvilluan për herë të parë bashkë me ato presidenciale në vendin me 260 milionë banorë, për të kursyer para.
Rreth 80% e 193 milion votuesve me të drejtë vote votuan në më shumë se 800,000 vendvotime.
Discussion about this post