Një nga predikimet e Imamit të njohur në vend Elvis Naçit ka nxitur shumë debat në rrjet. Teksa po predikonte për martesën dhe tradhëtinë ai theksoi se femra është ajo që kur nuk e mban veten, mashkulli detyrohet ta tradhëtojë.
“Po shkoi një femër 150 kile…ah mbaroi familja. Thonë ca s’e kam mbajt veten këto kohë, mirë se e ke femra që mbajnë veten jashtë familjes, mos u mërzit, se s’e ka të vështirë me të tradhtu. Sot është bërë e lehtë fare.”, u shpreh Naçi ndër të tjera. Po kështu Imami theksoi se femra në krevat duhet të jetë e devotshme për burrin pasi zoti solli në tokë si xhenet për të.
Për këto predikime sollën shumë reagime te publiku, madje reaguan edhe personazhe të njohur. Por duhet të theksojmë që Imami Elvis Naçi nuk ka folur vetëm për femrat në martesë por edhe për meshkujt. Madje ai iu ka thënë burrave që të mos hanë aq shumë sa të kenë turp para bashkëshortes.
“Hani dhe pini por mos e teproni. Mos ha dhe pi dhe bëhesh 200 kile vëlla dhe motër dhe të begatoftë i madhi zot. Mos ha aq shumë sa ke edhe turp me qenë para bashkëshortes tënde. Sa shkove? ” I kam kap 170 kile”. Ku shkon? Vëllau të begatoftë i madhi zot mos e bëni gran të thotë: Ç’më kanë gjet mu? “, shprehet Imami. (J.V/Shuplaka)
