E shiti makinën më pas e kallëzoi të vjedhur, arrestohet 56-vjeçari

Një banor në Lushnje është vënë në pranga pas kallëzimit të rremë për vjedhje të automjetit. Adrijan Shtembari ka kallëzuar së fundmi në komisariat vjedhjen e automjetit të tij në oborrin e shtëpisë.

Nga verifikimet e kryera nga ana e policisë, rezulton se 56-vjeçari banues në Lushnje, ka kryer kallëzim penal të rremë, pas shitjes mjetit me qëllim çregjistrimin e automjetit në Itali.

“Adrijan Shtembari e kishte shitur mjetin, por bëri kallëzim të rremë në polici. Ai akuzohet për veprën penale “Kallëzim i rremë”. 56-vjeçari e ka shitur makinën me qëllim çregjistrimin e automjetit në Itali.”, bëhet me dije ndër të tjera në deklaratën e policisë. (XH.A/SHUPLAKA)