Nënkryetari i KQZ-së, Denar Biba, i cili u shkarkua nga pozicioni i kryetarit të këtij institucioni pas marrëveshjes së 18 majit mes Ramës dhe Bashës, shprehet se i është cënuar karriera politike nga kjo marrëveshje.
I ftuar në emisionin “Tonight Ilva Tare”, Biba është shprehur se e rëndësishme është që nga ky vendim që i cënoi sadopak karrierën, u bë për qëllime më të mëdha.
“Në dorëheqjen time, ndonjëherë njeriu duhet të cedojë pak në atë tendencën ose udhëtimin e tij të karrierës për qëllime më të mëdha sesa karriera e tij e vogël ose interesat e tij të vogla personale. Në këtë aspekt, pa rënë në ato klishetë ‘fitoi atdheu’, mjafton që ‘zgjedhje të lira dhe të ndershme’, natyrisht që karriera ime mori një lloj cënimi. Por jam fare i lirë në këtë pikë, kështu që nuk kam ndonjë shqetësim. Nga ana tjetër pati produktet pozitive.”, shprehet Biba. (D.D/Shuplaka)
