KQZ vendosi sot që në vend të Shkëlqim Selamit nën siglën e LSI në Vlorë, deputet të mandatohet Flamur Çelaj, ndërsa vendin e ish-deputetit të PD, Dashamir Tahiri, i cili e mori mandatin me logon e PDIU-së, do e zërë Edmond Zejno. Deputetët e rinj pritet të bëjnë betimin në seancën e ardhshme plenare .
Kush është Flamur Çelaj
Është një nga figurat kryesore të LSI-së në Qarkun e Vlorës. Për këtë arsye, në zgjedhjet parlamentare të vitit 2013, strukturat e partisë e propozuan edhe kandidat për deputet, kjo edhe për shkak të mbështetjes që ai gëzon në Vlorë e zonat përreth. Ai u vendos i dyti në listën e LSI-së pas Shkëlqim Selamit. Çelaj ka mbaruar Akademinë e Rendit në Policinë e Shtetit dhe aktualisht mban postin e Drejtorit Ekzekutiv të Autorititetit të Aviacionit Civil.
Kush është Flamur Çelaj
Deputeti më i ri i PDIU-së, Edmond Zejno gjatë zgjedhjeve parlamentare të 2013-ës zhvilloi një fushatë të fortë në Sarandë dhe Delvinë me shpresën se PDIU do të arrinte të merrte 2 mandate në Qarkun e Vlorës. Edhe drejtuesit e PDIU ia lanë atëherë Edmond Zejnos gjithë barrën e fushatës elektorale në Sarandë dhe Delvinë. (E.K/SHUPLAKA)
Discussion about this post