Në javën e 26-të të Premier League në Angli, kjo e shtunë nisi në orën 16:00 me katër duele. Një ndeshje që ra në sy ishte humbja 1-2 e Manchester United në shtëpi nga Fulham. Ndërkohë, Aston Villa fitoi me rezultatin 4-2 ndaj Nottinghamit dhe Crystal Palace fitoi 3-0 ndaj Burnleyt.
Në “Old Trafford”, Manchester United u mposht 1-2 nga Fulham. Miqtë mbajtën në stol Armando Brojën për gjithë 90 minutat, ndërsa pjesa e parë e takimit mbaroi pa rrjete. Bassey shënoi për Fulhamin në minutën e 65-të, ndërsa Harry Maguire barazoi në minutën e 89-të.
Megjithatë, United nuk arriti të merrte pikë në shtëpi. Iwobi shënoi për Fulhamin në shtesën e shtatë të ndeshjes.
Kështu, pas pesë fitoresh radhazi, United pësoi humbje në Premier League dhe tani mban vendin e gjashtë me 44 pikë. Fulham ngjitet në vendin e 12-të me 32 pikë.
Po ashtu, fitoi edhe Aston Villa me rezultatin 4-2 ndaj Nottinghamit. Uatkins, Douglas Luzi dhe Bailey shënuan për skuadrën nga Birmingham.
