Këngëtarja e njohur Demi Lovato sipas TMZ është shtruar në një spital në Los Angelos për shkak të overdozës nga heroina, një problem ky që këngëtarja është përpjekur që ta luftojë prej vitesh.
Po sipas të njëjtave burime për TMZ këngëtarja amerikane është transportuar në spital nga banesa e saj në Hollyëood Hills dhe ndodhet nën kujdesin e mjekëve. “People” raporton se 25-vjeçarja është jashtë rrezikut për jetën.
Në një reagim të tij, përfaqësuesi i këngëtares thotë se Demi ëshrtë përmendur dhe se disa informata që qarkullojnë janë të pasakta.
“Demi është zgjuar dhe është me familjen e saj, që dëshirojnë të shprehin falënderime për gjithçka për dashurinë, lutjet dhe mbështetjen. Disa informata që raportohen janë të pasakta dhe kërkojnë më shumë respekt për jetën private …”, thotë përfaqësuesi i këngëtares.
Mësohet se këngëtarja ka qenë duke festuaer ditëlindjen ne një mikut të saj, moment ky që ka shërbyer mesa duket që ajo ta teprojë pak me konsumimin e drogës.
Demi Lovato ka pasur probleme vitet e fundit për shkak të abuzimit me lëndët narkotike. Në qershor, ajo zbuloi se i ishte kthyer vesit pas 6 vitesh që nuk përdorte drogë.
(E.K/FAXWEB.AL)
Discussion about this post