Këngëtari Kastro Zizo është i njohur për deklaratat e tij provokatike edhe në media. Ndërsa dje i ftuar në një emision në ‘’Top Albania Radio” nuk është kursyer aspak ku ka folur për vajzat që bëjnë operacione plastike apo mënyrën sesi ngacmonte vajzat në adoleshencë.
Kastro kur vjen fjala te operacionet plastike thotë se është krejtësisht pro. Një femër mund të modifikojë çdo pjesë të trupit që ajo dëshiron përsa kohë ky vendim e bën atë të lumtur.
Ai është pro buzëve të fryra dhe të pasmeve si Kim Kardashian. E vetmja gjë që ai këshillon tek vajzat që bëjnë ndërhyrje plastike është të tregojnë kujdes në sasinë që injektojnë në mënyrë që të mos duken të gjitha njësoj sikur kanë dalë nga e njëjta klinikë.
Po ashtu duke treguar sesi të propozoje vite më parë një vajzë duhet të shkoje ta kërkoje dhe t’i flisje përballë ndryshe nga sot ku çdo ndjenjë në të shumtën e rasteve shprehet nëpërmjet mesazheve.
Kastro duke qeshur ka treguar se nëse doje t’i thoje një vajze ‘të kam qejf’, fillimisht duhet të merrje shokun e ngushtë me vete për suport moral më pas të takojë vajzën e ëndrrave të tua dhe t’i thoje…’o goce ç’kemi, unë kam ndjenja për ty, po ti për mua?’.
Pas kësaj fraze në dukje e vështirë për t’u thënë duket se për Kastron, gjërat asokohe merrin rrjedhë pozitive, të paktën kështu ka treguar ai, i buzëqesh.
(E.K/SHUPLAKA)
