Mira Kazhani i është përgjigjur gazetarit të njohur Adi Krasta i cili gjatë emisionit të tij ‘’A Show’’ e thumboi , pasi kjo e fundit është vënë në qendër të vëmendjes mediatike së fundi, për shkak të aksidentit ku u përfshi mjeti i saj, dhe ku aksidentoi rëndë një 17-vjeçar.
Krasta i është drejtuar nga ekrani Kazhanit duke i thënë: “Zonja Kazhani ku shkojnë paratë e bashkisë, a mundet që portali Tirana Post të bëjë një analizë se ku shkojnë këto para’’(lexo këtu).
Kjo ka mjaftuar që Mira Kazhani të shpërthejë ndaj Adi Krastës, duke i thënë të të vijë turp, pasi sipas saj po i lëpihet Berishës.
‘Adi Krasta ka bërë disa pyetje ndaj meje, Nuk habitem që kur e pashë t’i lëpihej Berishës në emision që dikur e quante të keqe të madhe . Mu dhimbs në fakt…Tani unë të them të të vijë turp turp turp…
Inatet me politikanët që ke ngrënë darka dhe je prishur po nëpër darka nxirri me to. Mua mos më ngatërro me veten tënde se jam larg shumë, po shumë larg modelit tënd. Ti e ke dokumentuar veten tënde me video e mesazhe nëpër ekran. falë zotit s jam njeri ofertyash të parezistueshme as e pafytyrë që lëpij ku pështyj.
Ah sa më dhimbsesh ti Adi, ka kohë që më dhimbsesh. Por ndodh, secili ka aksidentin e vet, ti e pate me karakterin tënd. (Fotoja nga një intervistë ku prezantuesi më shpallte gazetare kurajoze. Ka edhe shumë të tjera në youtube’, shkruan Kazhani.
(B.K/FAXWEB.AL)
