Policia e Tiranës ka vënë në pranga një 39-vjeçar i akuzuar për përndjekje dhe trafikim të personave. Është arrestuar nga policia Neritan Pipa, 39 vjeç, banues në Shkodër (i dënuar më parë në shtetin italian për veprën penale “Trafikim i lëndëve narkotike”).
Ngjarja ka ndodhur tek zona e njohur si “Kodra e Diellit” në Tiranë, ku shkodrani ka përndjekur dhe mbajtur pa dëshirë, në një banesë, për më shumë se 3 orë, duke i ushtruar dhe dhunë fizike ish- të dashurës, shtetases M.T., 27 vjeçe.
Materialet iu referuan Prokurorisë së Rrethit Gjyqësorë Tiranë në ngarkim të shtetasit të lartpërmendur për veprat penale “Përndjekja” dhe “Trafikimi i personave të rritur”. (J.V/Shuplaka)
Discussion about this post