Drejtuesja e Prokurorisë pranë Gjykatës së Shkallës së Parë për Krime të Rënda Tiranë, Donika Prela doli sot në një konferencë për shtyp ku deklaroi se nisja e përgjimeve që përmban dosja 339 është bërë për personat të cilët merrnin pjesë në veprimtari kriminale, kryerjen e veprave penale “Prodhimi dhe shitja e narkotikëve”, “Trafikimi i narkotikëve“, në bashkëpunim.
Ndërkohë që Prela sqaroi se përgjimet e implikimit të persobnave me rekorde kriminale në fushtat zgjedhore dhe në implikimin e deformimit të tyrem, është bërë rastësisht pas bisedave personat që ishin në përgjim kanë bërë.
Sipas zyrtares së lartë të gjyqëesorit, CD-të janë të transkriptuara, vetëm në raste të veçanta. “Kjo është dosja më e madhe në hetimin e Prokurorisë”, tha ajo.
“Sqarojmë se referuar Informacionit që më është vënë në dispozicion nga dy prokurorët e çështjes, në momentin e ngritjes së grupit hetimor nga ana e drejtuesit të prokurorisë tetor 2018, të gjitha CD e administruara kanë qenë të pa transkriptuara në tërësi dhe vijimësi, por ka patur transkripte të pjesshme, vetëm të disa numrave të veçantë, dhe në mënyrë sporadike.
Po kështu, në këtë moment është konstatuar se janë kryer veprime hetimore të hapura vetëm në drejtim të veprave penale të trafikimit të lëndëve narkotike të kryera në qytete të ndryshme të vendit dhe abuzimeve me pronat në zonën e Qarkut Lezhë, ndërsa për veprat e tjera penale, duke përfshirë dhe veprat penale në fushën e zgjedhjeve nuk ka patur hetime të hapura, me përjashtim të përgjimeve, të Cilat siç dhe theksova, nuk kanë qenë të transkriptuara në tërësi.
Duke parë rëndësinë e madhe të çështjes, por dhe sensitetin e saj, numrin shumë të madh të personave në hetim me masa të ndryshme sigurimi, ku aktualisht numri i personave në hetim ka shkuar në 74 persona, janë sekuestruar 300.000 m2 tokë, resort turistik, etj pra është kryer në volum i konsiderueshëm hetimesh, nga Drejtuesi i Prokurorisë në zbatim të detyrimeve ligjore, por dhe njëkohësisht të kompetencave që lejon ligji, janë marra masa të shumta organizative me qëllim lehtësimin e punës së prokurorëve të ngarkuar me hetimin e çështjes me qëllim përfundimin sa më të shpejtë në kohë të tyre dhe konkretisht”, tha ndër të tjera Donika Prela.
(F.GJ/FAXWEB.AL)
