E trishtë/ Gruaja e tij i lutej që të vaksinohej, 48 vjeçari nuk pranonte, humbi jetën pasi u infektua me Covid

Gligor Kedioski, 45 vjeç, vdiq nga Covid-19 më 2 janar pasi u shtrua në spital në dhjetor.

I lindur në Prilep, Maqedoni, Gligor jetonte në Liverpool me gruan e tij Bilyana dhe vajzën e tyre pesëvjeçare.

I njohur në komunitetin e tij si një burrë bujar dhe një mik i mirë që e jetoi jetën në maksimum, Gligor ishte një punëtor fabrike që kishte punuar edhe si shofer dërgesash gjatë pandemisë.

Sipas miqve të tij, ai ishte plot jetë dhe gjithmonë fliste për aventurën e ardhshme të jetës, transmeton Liverpool Echo.

Në dhjetor, ai u shtrua në spital me Covid. Miqtë dhe familja nuk janë të sigurt se si ai u infektua me virusin, por Gligor nuk ishte vaksinuar, pavarësisht përpjekjeve të Bilyanës për ta bindur atë.