Një realitet i trishtë është ky i një nëne të re që nuk ka një strehë për tri fëmijët e saj të vegjël, të moshave 4 vjeç, 2 vjeç dhe 3 muajsh. Pasi për ditë me rradhë ka qendruar me ta në cep të një pallati në lagjen nr. 12 të Durrësit, ajo është ndihmuar nga banorët që pasi kanë thërritur policinë, i është asistuar psikologia.
Funpage “Lolita” që sjell në vëmendje këtë rast, bën me dije se nëna e re është me aftësi të kufizuara, merr kemp 90 mijë lekë dhe 40 mijë lekë nga shteti. Por pas transportimit në një dhomë të veçantë në Shtëpinë e Fëmijës në Durrës, asaj i është bërë një ultimatum.
Mësohet se nëna është përzënë duke i dhënë afat 72 orësh që të gjejë një strehë e pastaj të bashkohet me fëmijët, përndryshe nuk do mund t’i marrë ata për një vit.
Në video shihet nëna me lot në sy, e cila kërkon ndihmë, pasi nuk mund t’ia dalë me të vegjëlit e saj, njëri prej të cilëve është sëmurë. “Kam që me datë 27 që fle këtu. Ai po vuan”, dëgjohet tek shprehet ajo.
Banorët e lagjes nr. 12 kanë ofruar një numër kontakti për ata që kanë dëshirë të kontribuojnë dhe i bëjnë thirrje Bashkisë Durrës që të ndërhyjë duke i ofruar kësaj nëne banesën sociale që i takon.
(XH.A/SHUPLAKA)
