Ish-futbollisti i Kukësit Elis Bakaj I cili u transferua pak kohë më parë në Bjellorusi për të vazhduar karrierën, ka folur hapur rreth ndeshjes së shumëpërfolur mes Vllaznisë dhe Tiranës sezonin e kaluar, e cila dekretoi rënien e bardhebluve në Kategorinë e Parë.
Në një intervistë të publikuar në faqen e klubit të Shakhtior Soligorsk, Bakaj ka deklaruar në lidhje me ndeshjen e shumëpërfolur se ai kishte marrë kërcënime nga kryeqyteti për të mos zbritur në fushë në ndeshjen Vllaznia-Tirana të sezonit të kaluar.
“Filluan të më bënin presion. Më bënin telefonata me kërcënime. Më thanë se nëse luaja në ndeshje, do të ishte më mirë që të mos kthehesha më në Tiranë. Dhe ai është qyteti im i lindjes, atje kam shtëpinë.
Nga ana tjetër, drejtuesit e Vllaznisë insistonin që të merrja pjesë në këtë duel. Por unë fola me trajnerin dhe e binda se ishte më mirë nëse do të luhej pa mua.
Kjo situatë, ku të dyja skuadrat luanin për mbijetesën, mund të kalonte në ekstrem në çdo moment”, ka thënë Bakaj.
Kujtojmë që ndeshja mes Tiranës dhe Vllaznisë sezonin e shkuar e cila do të vendoste se cila nga këto dy ekipe do të binte një kategori më psohtë, përfundoi me rezultatin 0-0, duke bërë që Tiranë të binte pasi bardhebluve u vlente vetëm fotorja. (B.H/Faxweb)
Discussion about this post