Ende nuk ka asgjë zyrtare lidhur me marrëveshjen që po diskutohet orët e fundit ndërmjet BDI-së dhe Nikola Gruevskit në Maqedoni.
Sqarimi ka ardhur nga zëdhënësi i BDI-së Bujar Osmani, i cili ka deklaruar se po zhvillohen bisedime për të gjitha opsionet e mundshme.
Sipas tij, procesi i gjatë i debateve pro dhe kundër është ende në vazhdim.
“Dëshiroj të shuaj të gjitha spekulimet, se në kryesinë e BDI është marrë vendim për njërin nga pesë opsionet që janë shtruar në tavolinë. Procesi i debatit po vazhdon dhe anëtarët e kryesisë dhe deputetët po japin pro dhe kundra, dhe se në asnjë moment nuk është arritur të formulohet ndonjë propozim i cili do të jepet për vendosje. Për momentin nuk ka asnjë vendim dhe se po bisedohet për gjitha opsionet dhe se të pesë opsionet mbeten të plotëfuqishme për momentin”, tha Osmani.
