Ariela Murati, studentja që u qëllua për vdekje me armë zjarri nga 23-vjeçari Aldison Belulaj, me të cilin njiheshin prej kohësh ishte në shoqërinë e motrës dhe kushërirës.
Sipas raporimeve të Fax News tre vajzat ishin duke ecur pranë spitalit Nënë Tereza,për të shkuar në banesën e tyre, dhe aty ndalua në rrugë nga Aldison Belulaj.
23 vjeçari ka kërkuar të flasë me të dhe të dy janë shkëputur pak metra larg motrës dhe kushërirës së studentes. Por nuk kanë kaluar më shumë se dy minuta kur në debat e sipër, Aldisoni ka nxjerrë pistoletën dhe e ka qëlluar dy herë, duke i shkaktuar vdekjen. Më pas ai drejtoi armën nga vetja dhe e shkrepi duke u vetëplagosur rëndë në kokë. Ndërkohë ky i fundit raportohet se është në reanimacion.
Fax News raporton se Ariela jetonte në Tiranë me të motrën dhe kushurirën e saj. Gjendja pranë familjes së tyre është shumë e rëndë dhe prindërit e saj janë nisur drejt Tiranës për të tërhequr trupin e së bijës. Aldisoni ka tentuar të lidhet me vajzën dhe ka shprehur asaj dashurinë, por ndërkohë Ariela e ka refuzuar. Po ashtu para një jave, Aldisoni është grindur dhe me familjarët e Arielës, pasi ai ka shkuar ti kërkojë dorën 21 vjeçares, por këta të fundit gjithashtu e kanë refuzuar këtë lidhje. (M.Q/Faxweb)
Discussion about this post