E zë korenti teksa rregullonte prizën e televizorit, humb jetën 68-vjeçari në Pogradec

Një 68-vjeçar nga fshati Zagorçan i Pogradecit ka ndërruar jetë kur ka mbërritur në spitalin e këtij qyteti. Mësohet se ai ka ndërruar jetë pasi ka rënë në kontakt me rrymën elektrike. 

DETAJE:

Më datë 18.11.2017, jemi njoftuar se në Spitalin e Pogradecit është transportuar në gjendje të rëndë shëndetësore shtetasi A.M, 68 vjeç, banues në fshatin Zagorçan. Pas mbërritjes në Spital, ky shtetas ka ndërruar jetë. Nga të dhënat e para rezulton se shtetasi A.M, ka rënë në kontakt me rrymën elektrike duke punuar me prizën e televizorit. U ngrit grupi hetimor dhe po punohet për zbardhjen e sqarimin e rrethanave të ngjarjes. (J.V/Faweb)