Edhe tre ditë na ndajnë nga zgjedhjet e 22 korrikut për postin e kryetarit të Partisë Demokratike. Komisioni për Zgjedhjet në PD, po punon për të pregatitur materialet në selinë qendrore të kësaj force politike.
“Shuplaka” mëson se materialet zgjedhore do të shpërndahen që nesër nëpër degët përkatëse, ku do zhvillohet edhe procesi zgjedhor.
Kujtojmë se dy kandidatët e vetëm në garë janë kryetari aktual Lulzim Basha dhe Eduard Selami. Sakaq, Jemin Gjana që është vendosur në krye të Komisionit për Zgjedhjet në PD, para pak ditësh ka treguar detajet e përgatitjeve për 22 korrikun.
“Është përcaktuar përbërja e 73 komisioneve të votimit. Ka 5 komisione votimi më shumë se numri i degëve për arsye se 5 degë të PD-së për efekt të numrit të madh të anëtarësisë do të kenë nga dy komisione. Kanë nga 73 përfaqësues të propozuar nga kandidatët në garë. Dje komisioni mori vendimin edhe për listat përfundimtare të votimeve.
Regjistri elektronik përmban 103 mijë e 200 anëtarë. Sot listat kanë në total 103 mijë e 900 autorë. Janë shtuar 1500 anëtarë në listat shtesë nga persona që janë paraqitur me karta anëtarësie por që nuk i kishin përditësuar. Janë shtuar 112 anëtarë në 5 degë të PD-së. Janë hequr nga regjistri elektronik 607 anëtarë që kanë kaluar nga subjekte të tjera politike ilegalisht”, ka deklaruar Gjana. (D.D/Shuplaka)
[ngg_images source=”galleries” container_ids=”2459″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
