“Edhe Aneta ta shkruajë Kushtetutën, Rama nuk fiton”, Kryemadhi zbulon për çfarë i pyeti Basha ambasadorët

Kryetarja e LSI, Monika Kryemadhi deklaroi se opozita do të marrë pjesë në Këshillin Politik. Kryemadhi shtoi se tri ambasadorët i ka pyetur Basha disa herë dhe ata kanë thënë se i qendrojnë marrëveshjes së 5 qershorit.

“Ulja në Këshillin Politik u bë për pikën me nevralgjike, që është hapja e negociatave. Moshapja e negociatave do të thotë izolim total i Shqipërisë. Do të thotë që shqiptarëve t’u kthehen vizat.

Nesër besoj se do marrim pjesë në Këshillin Politik. Nuk ka asnjë arsye për të mos marrë pjesë. Ai thotë se nuk i kam ndryshuar koalicionet në Kod Zgjedhor. Në marrëveshjen e 5 qershorit, që është miratuar, janë nenet për koalicionet parazgjedhore,” tha Kryemadhi. “Tri ambasadorët i ka pyetur sot Basha disa herë dhe ata i kanë thënë se i qëndrojnë marrëveshjes së 5 qershorit,” tha Kryemadhi.

“Edhe Aneta ta shkruajë Kushtetutën, Rama nuk del fitues. Sot, edhe 40 mandate nuk i merr. Sot, opozita kishte 86 mandate me koalicione. Me këto veprime do na i çojë në 100 mandate. Nuk ka asnjë kalkulim që e nxjerr atë fitues,” tha Kryemadhi në Syri.net.