Edhe deputetët e Kuvendit të Maqedonisë do të duhet të përballen me disa procese të deklarimit dhe kontrollit të pasurive. Të gjithë 120 deputetët e sapozgjedhur do të duhet që të plotësojnë një formular me deklaratën dhe gjendjen e tyre të pronësisë.
Sipas Ligjit për Kuvendin deputetët janë të detyruar brenda një afati prej 30 ditësh nga verifikimi i mandatit të plotësojnë një listë me të dhëna të hollësishme për pronat e patundshme, sendet e lëvizshme dhe me vlerë, kërkesat e borxheve, si dhe prona të tjera që nuk janë në emër të tij po janë në pronësi të të afërmëve.
Të njëjtën listë deputeti duhet ta plotësojë edhe pas ndërprerjes apo përfundimit të mandatit në mënyrë që të bëhet verifikimi i pasurisë që ai ka vendosur gjatë ushtrimit të një funksioni publik. (E.K/SHUPLAKA)
Discussion about this post