Edhe dy shtete që kanë njohur pavarësinë abstenuan, vjen reagimi i parë nga Serbia pas dështimit të Kosovës: Fitore!

Serbia ka reaguar pas dështimit të Kosovës për tu anëtarësuar në INTERPOL. Ministri i punëve të brendshme, Nebojsha Stefanoviq, ka publikuar një fotografi në rrjetin social Tëitter.

Nga Asambleja e Përgjithshme e INTERPOL’it, ku është i pranishëm ministri i brendshëm serb, ai ka publikuar një fotografi dhe ka shkruar një mbishkrim në të “Pobega” – “FITORE”.

Kosova përfundimisht nuk do të jetë pjesë e INTERPOL-it. Edhe pas raundit të dytë të votimit vendi nuk ka arritur të marrë 2/3 e votave për t’u bërë pjesë e njërit nga mekanizmat më të rëndësishëm të sigurisë në botë.

Në raundin e dytë të votimit, Kosova ka marrë 68 vota pro, 51 kundër dhe 16 abstenime, nga 135 total.

Kosova ka aplikuar tre herë për të qenë pjesë e INTERPOL-it, në vitin 2010, 2015 dhe 2017. Mes shteteve që abtenuan ishin edhe Japonia dhe Hungaria, të cilat e kanë njohur pavarësinë e Kosovës.

Mediat e Beogradit kanë raportuar menjëherë pas dështimit të Kosovës për t’u bërë anëtare e organizatës ndërkombëtare të policisë, INTERPOL

Gazeta “Telegraf.rs” shkruan se kjo ishte një fitore e madhe për Serbinë.

(B.H/Faxweb)