Jeni të mërzitur nga ndërtimet shumëkatëshe në kryeqytet, janë duke ju zënë frymën dhe ju duket sikur vende vende në kryeqytet nuk ka ajër dhe qiell?
Kemi një lajm të keq për ju. Kryetari i Bashkisë së Tiranës Erion Veliaj me ‘’shpresë’’ ka ndërmend të ndërtojë dhe 12 kulla të tjera.
Kjo deklaratë është ajo çka na ka humbur të gjithëve ne nga intervista e tij ‘’Me Shukin’’ dhënë te reja në kryeqytet.
“Lajmi për 2 kullat më të larta në Ballkan… sa është i vërtetë?”, e pyet gazetari .
“Është shumë i vërtetë. Jo 2, me shpresë 12. Ato planifikohen kryesisht tek zona e bulevardit të ri. Kulla e lartë nuk do jetë aq falas sa njerëz mendojnë.
Ne do kemi zyra të bashkisë së Tiranës në atë kullë. Pra nuk kemi bërë tolerim, por një shkëmbim. Pra, ekuivalenten e taksave do ta paguajnë në mall. Sot ne okupojmë 100 zyra në Tiranë”, thotë Veliaj.
Duhet thënë se niveli shumë i lartë i ndotjes në kryeqytet vjen në një masë të madhe dhe nga niveli i betozinimit dhe mungesa e hapësirave të gjelbërta. (E.K/SHUPLAKA)
https://www.youtube.com/watch?v=JeyAszubMGg
