Ndonëse kanë kaluar javë nga përfundimi i “Festivalit të Këngës”, polemikat vazhdojnë ende. Këtë herë, ka qenë radha e Elton Dedës për të bërë komentet e tij.
I ftuar në “Wake Up”, Deda nuk ka folur shumë për rezultatet e votimit, por ka shprehur pakënaqësi lidhur me disa përzgjedhje në veçanti.
“Muzikë e shtuar me playback, të qeshura me playback, duartrokitje me playback”, është shprehur Eltoni, duke vënë kështu në dukje se jo çdo emocion u përcoll ‘live’ nga skena e festivalit.
Megjithatë, Deda ka shprehur vlerësimin e tij lidhur me orkestrën, për punën e palodhur që kanë bërë gjatë ditëve të eventit muzikor.
