Ndërkohë që në Tiranë ishin mbledhur qytetarë nga e gjithë Shqipëria për të protestuar krah opozitës, kryeministri Rama ka marrë rrugën drejt qytetit të Vlorës.
Gjatë takimit me operatorët turistikë me të cilët po dikutonte për çeljen e sezonit turistik, nuk i ndali as batutat për fqintët tanë grekët.
Rama u shpreh se grekët kanë shërbim të lodhur turistik, por ama sërish qëndrojnë më lart se ne.
“E di që doni më shumë por pavarësisht të gjithave, mrekullia s’kemi bërë, por ajo që kemi provuar është se ne me një vizion që është i duhuri dhe se në funksion të këtij vizioni, dimë radhën e gjërave. Ne jemi në betejë me llumin e trashëguar për kanalet vaditëse. kemi dyfishuar sipërfaqen ujitëse.
Ka akoma shumë për të bërë, por jam shumë optimist se me gjithë strategjinë që kemi ndërtuar dhe me mjetet që u kemi vënë bashkive, ne do arrimë që në harkun kohor të 2 viteve të ardhshme, mos të kemi më asnjë cm tokë buke që nuk ujitet. Nëse shohim rrugën e re përgjatë zonës së Labërisë, këtë nuk e bëjmë që të qarkullojnë normalisht njerëzit, por të rritet dhe ekonomia. Duhet të rrisim shërbimin. Edhe grekët që e kanë shërbimin të lodhur janë ku e ku me ne, sa i takon cilësisë së shërbimit”, tha Rama. (D.D/Shuplaka)
Discussion about this post