Një masiv shkëmbor ka rënë nga mali i Torovicës në Lezhë drejt një banese por fatmirësisht nuk ka të lënduar. Shkak për shkëputjen e masivit shkëmbor janë reshjet e shiut që kanë rënë gjatë natës.
Familja Perlleshi prej pesë anëtarësh ka qenë në banesë në momentin kur gurët kanë rënë pranë shtëpisë.
Flasin familjarët për gazetarin e Fax News: Jemi tmerruar kur kemi parë gurët në mengjes afër shtëpise.
Lina Perlleshi, e zonja e shtëpisë tregon se meraku i saj më i madh ka qenë vajza me fëmijën e saj të vogël.
‘’Kisha vajzën me fëmijën e vogël brenda, u tmerruam. Ndjeva një zhurmë të madhe nga ora gjashtë e mëngjesit, dola të lidh qenin, kur pashë gurët që kishin rënë. Tmerr, sdi çtë them. Edhe me mu rrëzu shtëpia krejt s’ka gjë, vetëm njerëzit të më shpëtojnë”, shprehet Perlleshi.
Ajo apelon për ndihmë, pasi thotë që çdo natë bienë të flenë me frikën se mund t’iu ndodh ndonjë tragjedi, njësoj si ajo që u mori jetën katër personave rreth një viti më parë, teksa ishin duke ecur me makinë në këtë zonë.
(E.K/FAXWEB.AL)
Discussion about this post