Kryetari i opozitës Lulzim Basha prej ditësh ka nisur takime me bazën dhe strukturat e PD-së. Sot ai zhvilloi një takim me të rinjtë e njësisë numër 7 në kryeqytet ditën e sotme. Ai u bëri thirrje të rinjve që të merrnin pjesë në protestën e paralajmëruar të 18 shkurtit.
“18 shkurti është dita e madhe për rininë dhe për të gjithë qytetarët shqiptarë. Duhet të bëhemi bashkë për një të ardhme më të mirë,” tha Basha.
Kreu i opozitës gjatë takimit bëri edhe disa premtime në rast se fiton zgjedhjet e 18 qershorit.
“Do të financojmë të gjitha universitetet publike. Do të anulojmë ligjin e arsimit të lartë dhe do të hapim vende pune. Do të ketë stazhe të paguara për 10 mijë të rinj në vit,” premtoi Basha. (E.K/SHUPLAKA)
