“Edhe ministrat e LSI-së do të bëjnë raport: Si u sollën ministrat e PD-së në ditët e koalicionit me PS-në”

Ish-Këshilltari i Fatos Nanos, Ylli Dylgjeri, ka reaguar lidhur me dorëheqjen e ministrave teknikë, të zgjedhur nga Lulzim Basha dhe Partia Demokratike, pas marrëveshjes së 18 majit.

Dylgjeri paralajmëron se edhe Lëvizja Socialiste për Integrim do të bëjë një raport, ashtu sikurse ministrant teknikë, në raportin e të cilëve thuhej se PS kishte vjedhur votat.

Raporti sipas Dylgjerit do të jetë mbi sjelljen e ministrave të PD-së, në ditët e koalicionit me PS-në.

“Edhe Ministrat e LSI do të bëjnë Raport!

Mos mendoni se raportet u mbyllën me ikjen 
e Ministrave Teknikë të PD nga Qeveria. 
Ditën që do largohen Ministrat Politikë të LSI-së, do të dorëzohet një Raport tjetër: 
Si u sollën Ministrat e PD-së në ditët e koalicionit me PS-në? Kaq”, shkruan Dylgjeri.

Këtij komenti i është përgjigjur edhe ish-ministri i LSI-së Ylli Manjani, i cili konfirmon se raporte do të ketë.

“O do bejne Raport, ose do marrin raportë… njera do ndodhe..”, komenton Manjani. (D.D/Shuplaka)