25 vjeçari Mario Meshini i cili dyshohet si varsësi i Devi Kasmit është marrë sërisht dje pasdite në pyetje nga policia dhe ka treguar kronologjinë e lëvizjeve të tij deri në momentin që ka takuar Devi Kasmin. Fax News raporton se Mario ka treguar se me Devin njihet prej vitesh dhe e kishin lënë për t’u takuar për të biseduar për një çështje pune.
Sipas Marios sapo ai ka arritur poshtë pallatit të Devit i ka shkruar sms ku i thoshte “hajde se erdha”. “E kam pritur aty pranë por nuk kam parë ndonjë njeri të dyshimtë. Sapo Devi ka ardhur perballë meje për të biseduar dëgjova të shtënat, por nuk munda të shoh njeri nga errësira. Edhe mua më kërcënuan me armë. Kam marr motorrin dhe nga tronditja jam larguar menjëherë që aty. Nuk kam lidhje me ngjarjen sepse ai ka qenë miku im.”është shprehur Meshini.
(M.Q/Faxweb)
