Kur janë kapur pothuajse të gjithë grabitësit të përfshirë në ngjarjen e Rinasit Gjykata njëri pas tjetrit po jep për ta edhe masat e arrestit. Sot ka qenë rradha e Dash Kupës për të mësuar masën e tij.
Në fakt Gjykata e Apelit të Krimeve të Rënda ka konfirmuar masën e sigurisë të dhënë më parë për Dash Kupën. Sipas vendimit të sotëm, Kupa do duhet të qëndrojë në burg deri në përfundim të hetimeve. 41-vjeçari u arrestua më 21 shkurt në pikën kufitare të Morinës
Në dëshminë e tij para policisë Kupa ka mohuar akuzat dhe përfshirjen në grabitje. “Ditën kur ka ndodhur ngjarja, madje para, gjatë dhe pasi ka ndodhur grabitja, unë kam qenë në picerinë që kam bashkë me djalin e xhaxhait. Këtë mund ta provoni lehtësisht. Shkoni shikoni kamerat e sigurisë”, është shprehur Kupa pas arrestimit.
Dash Kupa është edhe bashkëpronar i picerisë, që ndodhet pranë shkollës “Vasil Shanto” në Tiranë, ndërsa rezulton të ketë qënë i dënuar edhe në shtetin fqinj, Greqinë. 41-vjeçari sipas policisë ka pasur funksioninin e organizatorit në grup dhe nuk ka kryer veprime aktive, ashtu siç dyshohet kushëriri i tij.
Ai dyshohet se ka përgatitur planin e masave, si dhe ka koordinuar grupet në terren me informatorët. Por vetë i arrestuari, njësoj si i djali i xhaxhait të tij, Ernest Kupa, ka mohuar akuzat e ngritura ndaj tij, duke mos pranuar ngjarjen. Madje ai ka paraqitur edhe një alibi para hetuesve. (E.K/SHUPLAKA)
