‘’The Sun” u ka dedikuar sot një shkrim shqiptarëve që gjenden në burgjet e Anglisë. Shkrimi e vë theksin te fakti që anëtarët e bandës shqiptare kanë postuar video që tregojnë veten duke tymosur hashash në një burg britanik.
“Imazhet tronditëse janë më të fundit që dalin nga burgjet tona, të cilat tregojnë se të burgosurit gëzojnë një kohë të mrekullueshme në vend të kohës së vështirë.
Ndërkohë, pak ditë më parë, një grup i ‘Hellbanianz’ mendohej të ishte përfshirë në një grindje masive në sheshin Trafalgar të Londrës, ku ata pjesëtarët e këtij grupi mbledhur për të festuar Ditën Kombëtare të Flamurit.
Në video shihet një person duke vallëzuar nën tingujt e muzikës gangsta rap, ndërsa pi hashash në qelinë e tij. Videoja është postuar në profilin e një personi të quajtur ‘Skilla’, i cili shkruan: “Shqiptarët edhe mbyllur e të rrethuar me mure të larta janë luanë“.
Një tjetër postim, që tregon dy persona që ndajnë një cigare hashash, shkruan: “Ne jemi zotër të rrugëve. Në burg kemi gjithçka, mungojnë vetëm prostitutat“.
Ndërsa një video e tretë e postuar në Instagram përsëri nga brenda burgut shkruan: “Bishat e mbyllur në burg si në Alkatraz, ato që mungojnë janë vetëm vajzat.”
Një nga komentet e ashpra i drejtohet madje edhe Familjes Mbretërore duke thënë: “Të q**** qeveria edhe mbretëresha… Dua t’i shoh të gjithë shqiptarët jashtë burgut“, shkruhet mes të tjerash në artikullin e ‘’The Sun”.
(E.K/FAXWEB)
https://www.thesun.co.uk/news/5059896/footage-reveals-gang-smoking-drugs-in-prison/
https://www.youtube.com/watch?v=0CV51yOxM1Q&feature=youtu.be
Discussion about this post